جہانگیر ترین، علی ترین مبینہ فراڈ کیس میں آج FIA میں طلب
وفاقی تحقیقاتی ادارے (ایف آئی اے) نے حکومتی جماعت پی ٹی آئی کے رہنما جہانگیر ترین اور ان کے بیٹے علی ترین کو شیئر ہولڈرز کے ساتھ مبینہ فراڈ کیس میں آج طلب کرلیا۔
ذرائع کے مطابق جہانگیر ترین کو ایف آئی اے نے دن تین بجے طلب کیا ہے جبکہ علی ترین کو ساڑھے 10 بجے طلب کیا گیا ہے۔
ایف آئی اے کی جانب سے جہانگیر ترین اور علی ترین کو مطلوبہ ریکارڈ کے ہمراہ پیش ہونے کی ہدایت کی گئی ہے۔
ذرائع کا بتانا ہے کہ جہانگیر ترین اور علی ترین کی طلبی پر ایف آئی اے میں سائلین کا داخلہ بند کردیا گیا ہے اور پولیس کی اضافی نفری طلب کرلی گئی ہے۔
واضح رہے کہ جہانگیر ترین نے 10 اپریل کو بینکنگ کورٹ میں پیشی کے موقع پر ایک بار پھر بھرپور پاور شو کا فیصلہ کیا ہے۔
ذرائع کے مطابق جہانگیر ترین نے حکمت عملی طے کرنے کے لئے جمعہ کو اپنی رہائشگا ہ پر پارٹی کے ہم خیال رہنماؤں کو عشائیہ پر مدعو کیا ہے۔
Comments are closed.