لائیو میچ میں وارنر اور مداح کی پلے کارڈ کے ذریعے گفتگو، ویڈیو وائرل
انگلینڈ کے خلاف سیریز کے پہلے ون ڈے میچ کے دوران ڈیوڈ وارنر اور ان کے مداح کے درمیان پلے کارڈ کے ذریعے دلچسپ انداز میں گفتگو کی ویڈیو وائرل ہوگئی۔
ایڈیلیڈ میں کھیلے گئے اس میچ میں ایک مداح نے کیمرے کی جانب پلے کارڈ دکھایا جس پر درج تھا کہ ’ڈیوڈ وارنر! کیا میں آپ کی شرٹ لے سکتا ہوں؟‘
دوسری جانب جب ڈیوڈ وارنر کو دکھایا گیا کہ وہ بچے کی بات پر مسکراتے ہیں، ساتھی کھلاڑی وارنر کی شرٹ کھینچنے کی کوشش کرتے ہیں تو وارنر اپنے انداز سے یہ بتانے کی کوشش کرتے ہیں کہ ان کے پاس اس شرٹ کے سوا کچھ نہیں۔
تھوڑی دیر میں ہی وارنر ایک پلے کارڈ اٹھاتے ہیں جس پر درج ہوتا ہے کہ ’مارنس سے ایک لے لو۔‘
اس پیغام کے ساتھ ہی ننھا مداح ایک اور پلے کارڈ اٹھاتا ہے جس پر اس نے وہی سوال مارنس لبوشین کے لیے درج کیا ہوتا ہے جو اس نے وارنر کے لیے کیا تھا۔
جس پر ڈیوڈ وارنر ہنستے ہیں اور اپنے ننھے مداح کو ڈریسنگ روم میں بلانے کا اشاہ کرتے ہیں۔
Comments are closed.