نیدرلینڈز نے پاکستان کی جیت پر کیا کہا؟

نیدرلینڈز کرکٹ نے بھی پاکستان کو ٹی ٹوئنٹی ورلڈ کپ کے فائنل میں پہنچنے پر مبارک باد دی ہے۔

سماجی رابطے کی سائٹ ٹوئٹر پر نیڈرلینڈز نے پاکستان کی جیت سے متعلق اپنے آفیشل اکاؤنٹ سے پیغام جاری کیا ہے۔

کرکٹ نیدرلینڈز کا کہنا ہے کہ ٹی ٹوئنٹی ورلڈ کپ کے فائنل میں پہنچنے والی پہلی ٹیم پاکستان کی ہے۔

نیدرلینڈز نے پاکستان ٹیم کی تعریف کرتے ہوئے لکھا ہے کہ گرین شرٹ نے شاندار کھیل کا مظاہرہ کر کے جیت حاصل کی ہے۔

انٹرنیشنل کرکٹ کونسل(آئی سی سی) ٹی ٹوئنٹی ورلڈ کپ کے سیمی فائنل میں پاکستان نے پھر نیوزی لینڈ کو شکست دے کر فائنل کے لیے کوالیفائی کر لیا ہے۔

کرکٹ نیدرلینڈز نے اپنے ٹوئٹر پیغام میں محمد حارث کی تصویر شیئر کی ہے۔

واضح رہے کہ گزشتہ روز پاکستان نے ٹی ٹوئنٹی ورلڈکپ 2022 کے سیمی فائنل میں نیوزی لینڈ کو 7 وکٹوں سے شکست دے کر تیسری مرتبہ فائنل کے لیے کوالیفائی کر لیا ہے۔

نیوزی لینڈ کی جانب سے دیا گیا 153 رنز کا ہدف پاکستان نے آخری اوور میں 3 وکٹوں کے نقصان پر حاصل کیا تھا۔

بشکریہ جنگ