پاکستان میں ٹوئٹر پر ایک مرتبہ پھر سیاسی ٹرینڈز کی بھرمار

ملک میں حالیہ دنوں میں سامنے آنے والی آڈیو لیکس کے بعد ٹوئٹر پر ایک مرتبہ پھر سیاسی ٹرینڈز کی بھرمار ہوگئی۔

پاکستان میں ٹوئٹر پر اس وقت سیاسی ہیش ٹیگز کا بھرپور استعمال کیا جارہا ہے۔ جہاں مختلف ہیش ٹیگز استعمال کرتے ہوئے ہزاروں ٹوئٹس کئے جاچکے ہیں۔

پاکستان میں اس وقت ٹوئٹر پر ’سائفر ایک حقیقت ہے‘ ٹاپ ٹرینڈ بنا ہوا ہے۔جس پر ہزاروں ٹوئٹس کی جاچکی ہیں جس کے بعد ’وزیراعظم آفس لیکس‘ اور ’آڈیو لیکس‘ ٹرینڈ لسٹ میں ہیں۔

ٹوئٹر پر ’سازش کا ڈرامہ لیک ہوگیا‘ اور ’ہیکر‘ کے ہیش ٹیگز بھی ٹرینڈ کررہے ہیں۔

واضح رہے کہ امریکی سائفر سے متعلق پی ٹی آئی کے سربراہ، سابق وزیرِ اعظم عمران خان اور اعظم خان کی آڈیو سامنے آ ئی ہے۔

ٔاس آڈیو کلپ میں عمران خان کو کہتے سنا جا سکتا ہے کہ ہم نے صرف کھیلنا ہے، امریکا کا نام نہیں لینا، بس صرف یہ کھیلنا ہے اس کے اوپر کہ یہ ڈیٹ پہلے سے تھی۔

بشکریہ جنگ