پاک انگلینڈ سیریز: چوتھے میچ کے تمام ٹکٹس فروخت

پاکستان اور انگلینڈ کے درمیان اتوار کو ہونے والے چوتھے میچ کے تمام ٹکٹس فروخت ہوگئے جبکہ ابتدائی 4 میچز کے وی آئی پی انکلوژر کے ٹکٹس بھی نایاب ہوچکے ہیں۔

پاکستان اور انگلینڈ کے درمیان ٹی ٹوئنٹی سیریز کے ابتدائی چار میچز نیشنل اسٹیڈیم کراچی میں کھیلے جائیں گے، مہمان ٹیم کی آمد کے ساتھ ہی ٹکٹوں کی فروخت میں بھی تیزی آگئی ہے۔

اتوار 25 ستمبر کو ہونے والے چوتھے ٹی ٹوئنٹی کے تمام ٹکٹس فروخت ہوچکے، آن لائن ٹکٹوں کی ویب پر چھٹی کے روز کے تمام ٹکٹس سولڈ آؤٹ بتائے جا رہے ہیں۔

رپورٹس کے مطابق وکٹ کیپر بیٹر محمد رضوان اور اسسٹنٹ ٹو ہیڈ کوچ شاہد اسلم آج کراچی میں رپورٹ کریں گے۔

منگل، جمعرات اور جمعہ ہونے والے میچز کے کچھ ٹکٹس تاحال فروخت کے لیے دستیاب ہیں۔

اتوار کے علاوہ منگل، جمعرات اور جمعہ کو ہونے والے میچز کے بھی 1500 روپے مالیت کے وی آئی پی انکلوژر کے ٹکٹس فروخت ہوچکے ہیں جبکہ 250 روپے والے جنرل انکلوژر کے ٹکٹس 70 فیصد فروخت ہوچکے ہیں، 500 روپے والے فرسٹ کلاس اور 750 روپے والے پریمیم انکلوژر کے ٹکٹس تاحال فروخت کے لیے دستیاب ہیں۔

بشکریہ جنگ