جاپان میں شوال کا چاند نظر آگیا، کل عید منائی جائے گی

جاپان میں شوال کا چاند نظر آگیا ہے اور پیر 2 مئی کو جاپان میں عید الفطر روایتی جوش و جذبے کے ساتھ منائی جائے گی۔

جاپان کی مرکزی رویت ہلال کمیٹی کے چئیرمین مولانا سلیم الرحمٰن کے مطابق جاپان میں عید کا چاند نظر آگیا ہے۔  لہٰذا پیر 2 مئی کو جاپان میں عید الفطر منائی جائے گی۔

جبکہ اسلامک سینٹر تجوید القران جاپان کے چئیرمین قاری علی حسن کے مطابق جاپان میں عید کا چاند نظر نہیں آیا، اور سائنسی طور پر بھی اس بات کے ثبوت موجود ہیں۔

ان کا کہنا ہے کہ جاپان میں عید الفطر منگل بروز تین مئی کو منائی جائے گی۔

اس طرح جاپان میں اس سال مسلم کمیونٹی 2 مختلف دن عید منائیں گے،  کمیونٹی کی بڑی تعداد مستقبل میں اس تنازعے کو حل کروانے کے لیے کوشاں ہے تاکہ مسلمان ایک ہی دن عید مناسکیں۔

بشکریہ جنگ