وزیر اعظم شہباز شریف کا عید تک ریلیف پیکیج کا اعلان

 وزیراعظم شہباز شریف نے عید تک ریلیف پیکیج کا اعلان کردیا ہے، جس میں آٹا اور چینی کی قیمتوں میں واضح کمی کا اعلان کیا ہے۔

وزیراعظم شہباز شریف نے پنجاب میں 10 کلو آٹے کا تھیلا 550 سے کم کرکے 400 روپے کرنے کی ہدایت کردی ہے۔

انہوں نے ہدیت کی کہ رمضان بچت بازار اور یوٹیلیٹی اسٹورز میں فی کلو چینی کی قیمت 70 روپے مقرر ہوگی۔

شہباز شریف نے مزید کہا کہ باقی صوبے بھی آٹے اور چینی کی یہی قیمتیں مقرر کرنے کی کوششیں کریں۔

اُن کا کہنا تھا کہ پنجاب آٹا اور چینی کی فراہمی یقینی بنانے کے لیے بلوچستان اور آزاد کشمیر کی امداد کرے، وفاقی حکومت ضرورت کے مطابق بلوچستان کو اضافی ادائیگی کرے گی۔

بشکریہ جنگ