T20 ورلڈ کپ: کوالیفائنگ راؤنڈ، سری لنکا کیخلاف نمیبیا کی بیٹنگ جاری

ٹی ٹوئنٹی ورلڈ کپ کے کوالیفائنگ راؤنڈ کا آغاز ہو گیا ہے، سری لنکا کے خلاف نمیبیا کی بیٹنگ جاری ہے۔ 

سری لنکا نے نمیبیا کے خلاف ٹاس جیت کر بولنگ کا فیصلہ کیا ہے۔

آسٹریلیا میں کھیلے جا رہے ٹی ٹوئنٹی ورلڈ کپ کے میچز 2 مرحلوں میں ہوں گے، پہلے مرحلے میں آج 2 میچز ہو رہے ہیں۔

ایونٹ کا پہلا میچ سری لنکا اور نمیبیا کے درمیان اس وقت کھیلا جا رہا ہے جبکہ دوسرا میچ نیدر لینڈ اور متحدہ عرب امارات (یو اے ای) کے درمیان کھیلا جائے گا۔

پہلے مرحلے میں 2 گروپس میں تقسیم 8 ٹیمیں سپر 12 راؤنڈ میں جگہ بنانے کے لیے مقابلہ کریں گی جہاں 8 ٹیمیں اپنی رینکنگ کی بنیاد پر پہلے ہی موجود ہیں۔

پہلے مرحلے میں کوالیفائنگ راؤنڈ کھیلا جائے گا، افتتاحی میچ میں سری لنکا اور نمیبیا کی ٹیمیں مد مقابل ہونگی۔

پہلے راؤنڈ میں نمیبیا، نیدر لینڈز، سری لنکا اور متحدہ عرب امارات (یو اے ای) گروپ اے جبکہ آئر لینڈ، زمبابوے، ویسٹ انڈیز اور اسکاٹ لینڈ گروپ بی میں شامل ہیں۔

پہلے مرحلے کے اختتام پر 4 ٹیمیں مین راؤنڈ سپر 12 کے لیے کوالیفائی کریں گی، سپر 12 راؤنڈ کا آغاز 22 اکتوبر سے ہو گا۔

واضح رہے کہ ایونٹ کا  فائنل 13 نومبر کو میلبرن میں کھیلا جائے گا۔

بشکریہ جنگ