یوکرین نے 5 روسی فوجیوں کو مارنے کی ویڈیو جاری کردی

یوکرین کی وزارت دفاع نے 5 روسی فوجیوں کو مارنے کی ویڈیو جاری کردی۔

غیرملکی میڈیا کے مطابق یوکرین کی وزارت دفاع نے سوشل میڈیا اکاؤنٹ پر ویڈیو جاری کرتے ہوئے 5 روسی فوجیوں کو سرحدی علاقے میں ہلاک کرنے کا دعویٰ کیا ہے۔

روسی وزارت دفاع نے1 منٹ 2 سیکنڈ کی ویڈیو کے ساتھ پیغام میں لکھا کہ ہم آپ کو اندھیرے میں بھی دیکھتے ہیں، جب تک آپ یوکرین نہیں چھوڑیں گے آپ کو امن کا پتا نہیں چلے گا۔

رپورٹس کے مطابق روسی فوجیوں کو یوکرین میں داخل ہونے کی کوشش کے دوران ایک ایک کر کے فائرنگ کا نشانہ بنایا گیا۔

ویڈیو میں دیکھا جاسکتا ہے کہ اس دوران کچھ فوجیوں نے بھاگنے کی کوشش بھی کی۔

واضح رہےکہ روس اور یوکرین کےدرمیان جاری جنگ کو تقریباً 10 ماہ ہو چکے ہیں۔

بشکریہ جنگ