یوکرین صورتحال،جنرل اسمبلی کا ہنگامی اجلاس بلانے کی قرارداد منظور

سلامتی کونسل میں یوکرین سے متعلق اقوام متحدہ کی جنرل اسمبلی کا ہنگامی اجلاس آج بلانے کی قرارداد منظور ہوگئی۔

غیرملکی میڈیا کے مطابق روس نے قرارداد کی مخالفت کی تاہم وہ قواعد کے باعث جنرل اسمبلی کا اجلاس نہیں روک پایا۔

اس سے قبل یوکرین میں جاری جنگ کو روکنے کے لئے اقوام متحدہ کی سیکورٹی کونسل کے اجلاس میں امریکی حمایت سے پیش کی گئی قرارداد منظور نہیں ہوسکی تھی۔

رپورٹس کے مطابق سیکورٹی کونسل کے اجلاس میں پیش کی گئی قرارداد کو روس نے ویٹو کا حق استعمال کرکے مسترد کردیا تھا۔

بشکریہ جنگ