یورپی یونین نے یو اے ای کو منی لانڈرنگ کے ہائی رسک ممالک کی فہرست سے نکال دیا

یورپی یونین نے متحدہ عرب امارات کو منی لانڈرنگ کے ہائی رسک ممالک کی فہرست سے نکال دیا۔

یو اے ای کو منی لانڈرنگ ہائی رسک ممالک کی فہرست سے نکالنے کا فیصلہ یورپی کمیشن کی سفارش پر کیا گیا ہے۔ یورپی کمیشن نے اماراتی قوانین اور ریگولیٹری نظام میں نمایاں بہتری کو تسلیم کیا ہے۔

اماراتی وزیرِ مملکت نے کہا ہے کہ ای یو کا فیصلہ عالمی مالیاتی جرائم کے خلاف یو اے ای کی کوششوں کا اعتراف ہے۔

اماراتی ادارہ برائے انسدادِ منی لانڈرنگ کے مطابق قانونی و انتظامی اصلاحات کے ساتھ سخت کارروائیاں کیں۔

علاوہ ازیں یورپی یونین اور یو اے ای کے درمیان فری ٹریڈ معاہدے پر بات چیت کے آغاز پر بھی اتفاق ہوا ہے۔

واضح رہے کہ فیٹف نے فروری 2024 میں متحدہ عرب امارات کو گرے لسٹ سے نکالا تھا۔

بشکریہ جنگ