ہاکی کے 20 کھلاڑیوں کو سینٹرل کنٹریکٹ دینے کا اعلان

ہاکی کے کھلاڑیوں کیلئے خوشخبری ہے کہ انہیں پاکستان ہاکی فیڈریشن کی جانب سے سینٹرل کنٹریکٹ دینے کا اعلان کیا گیا ہے۔

آصف باجوہ کا کہنا ہے کہ جب وزیراعظم کسی ادارے کے ساتھ کھڑے ہوجائیں تو مایوسی ختم ہوجاتی ہے۔

پاکستان ہاکی فیڈریشن کے سیکریٹری آصف باجوہ نے جیو نیوز کودیئے گئے انٹرویو میں بتایا کہ 20 کھلاڑیوں کو سینٹرل کنٹریکٹ دینے جا رہے ہیں۔

انہوں نے بتایا کہ کھلاڑیوں کو 3 کیٹیگریز میں تقسیم کیا جائے گا، کیٹیگری اے کو 50، بی کو 40 ہزار روپے ماہانہ دیئے جائیں گے۔

کراچی( نصر اقبال/ اسٹاف رپورٹر) انٹر نیشنل ہاکی…

آصف باجوہ کا مزید کہنا ہے کہ سی کیٹیگری میں شامل کھلاڑیوں کو 30 ہزار روپے ماہانہ دیئے جائیں گے۔

پاکستان ہاکی فیڈریشن کے سیکریٹری کا یہ بھی کہنا ہے کہ سینٹرل کنٹریکٹ پرفارمنس اور فٹنس کی بنیاد پر دیئے جائیں گے۔

بشکریہ جنگ