گوشوارے جمع کرانے کی آخری تاریخ، FBR سرور بیٹھ گیا

ٹیکس گوشوارے جمع کرانے کی آج آخری تاریخ ہے، اس موقع پر فیڈرل بورڈ آف ریونیو (ایف بی آر) کا سرور پھر بیٹھ گیا۔

فیڈرل بورڈ آف ریونیو (ایف بی آر) کا کہنا ہے کہ انکم ٹیکس گوشوارے جمع کرانے کی آج آخری تاریخ ہے۔

فائلرز کے مطابق فیڈرل بورڈ آف ریونیو (ایف بی آر) کا سسٹم تقریباً ساڑھے 10 بجے سے رکا ہوا ہے۔

ایف بی آر کا سرور بیٹھ جانے کے باعث ٹیکس گوشوارے جمع کروانے والے فائلرز اور سروس پرووائڈرز کو شدید کوفت کا سامنا ہے۔

واضح رہے کہ پہلے ہی فیڈرل بورڈ آف ریورنیو (ایف بی آر) کی جانب سے ٹیکس گوشوارے جمع کرانے کی تاریخ میں توسیع نہ کرنے کا بیان جاری کیا جا چکا ہے۔

بشکریہ جنگ