گورنر پنجاب عمر سرفراز چیمہ کی حالت بتدریج بہتر

گورنر پنجاب عمر سرفراز چیمہ کا علاج لاہور کے سروسز اسپتال میں جاری ہے تاہم اب ان کی حالت بتدریج بہتر ہو رہی ہے۔

سروسز اسپتال کے ایم ایس کے مطابق گورنر پنجاب عمر سرفراز چیمہ کو گیسڑو اور قے کے باعث اسپتال میں داخل کیا گیا ہے۔

انہوں نے بتایا کہ سینئر فزیشنز نے گورنر پنجاب کا چیک اپ کیا ہے، اب ان کا بلڈ ٹیسٹ اور الٹرا ساؤنڈ کرایا جائے گا۔

گورنر پنجاب عمر سرفراز چیمہ کی طبیعت ناساز ہوگئی جس کے بعد انہیں اسپتال لے جایا گیا۔

سروسز اسپتال کے ایم ایس نے یہ بھی بتایا ہے کہ رپورٹ کی بنیاد پر فزیشنز گورنر پنجاب عمر سرفراز چیمہ کے مزید علاج کا فیصلہ کریں گے۔

واضح رہے کہ گورنر پنجاب عمر سرفراز چیمہ کو گزشتہ روز طبیعت خراب ہونے پر سروسز اسپتال میں داخل کرایا گیا تھا۔

بشکریہ جنگ