گوجرانوالہ: تضحیک آمیز ویڈیوز پر سوشل میڈیا ایکٹیوسٹ گرفتار

گوجرانوالہ کی گلشن لیبر کالونی سے سوشل میڈیا ایکٹیوسٹ یاسین بٹ کو گرفتار کر لیا گیا، یاسین بٹ کے خلاف تھانہ کینٹ میں مقدمہ بھی درج کر لیا گیا ہے۔

پولیس کے مطابق سوشل میڈیا ایکٹیوسٹ کے خلاف درج ایف آئی آر میں الزام عائد کیا گیا ہے کہ یاسین بٹ نے قومی سطح کی شخصیات سے متعلق تضحیک آمیز ویڈیوز بنائی ہیں۔

ملتان سے تعلق رکھنے والے مسلم لیگ نون کے سابق ایم پی اے شہزاد مقبول بھٹہ شہری کو قتل اور زمین پر قبضہ کرنے کے مقدمہ میں ضمانت خارج ہونے پر عدالت سے بھاگ گئے ۔

ایف آئی آر میں یہ بھی الزام لگایا گیا ہے کہ یاسین بٹ نے شارعِ عام بند کر کے لوگوں کو توڑ پھوڑ اور جلاؤ گھیراؤ پر بھی اکسایا ہے۔

دوسری جانب رہنما نون لیگ عطاء تارڑ نے جاری کیئے گئے ویڈیو بیان میں اس گرفتاری کی مذمت کی ہے۔

مسلم لیگ نون کے رہنما عطاء تارڑ کا کہنا ہے کہ وزیرِ اعظم عمران خان کے مشیر برائے احتساب و داخلہ شہزاد اکبر کی نوکری کو خطرہ ہے۔

عطاء تارڑ  کا کہنا ہے کہ مسلم لیگ نو کے سوشل میڈیا کارکنوں کو ہراساں کیا جا رہا ہے۔

انہوں نے یہ بھی کہا ہے کہ یاسین بٹ کی ویڈیو میں کوئی معیوب بات نہیں، یاسین بٹ اور دوسرے کارکنوں کے ساتھ کھڑے ہیں، پولیس انتقامی کارروائیاں کر رہی ہے۔

بشکریہ جنگ