گوجرانوالہ: اپنے اغواء کا ڈرامہ رچا کر تاوان مانگنے والا گرفتار
پنجاب کے شہر گوجرانوالہ میں پولیس نے اپنے ہی اغواء کا ڈرامہ رچا کر گھر والوں سے تاوان مانگنے والے ملزم کو گرفتار کر لیا۔
پولیس کے مطابق ملزم نواز کو علی پور چٹھہ سے گرفتار کیا گیا۔
گوجرانوالہ کے علاقے نوکھر کے رہائشی ملزم نواز نے کاروبار کے لیے والد سے رقم مانگی تھی۔
پولیس کا کہنا ہے کہ والد سے رقم نہ ملنے پر ملزم 2 روز قبل گھر سے غائب ہو گیا تھا، ملزم نے اپنی رہائی کے بدلے 80 لاکھ روپے مانگے تھے۔
ملزم کے والدین نے پولیس کو صورتِ حال سے آگاہ کیا تو تحقیقات کے بعد ملزم کو گرفتار کر لیا گیا۔
بشکریہ جنگ
Comments are closed.