گل زمان نے شیخ رشید سے فون پر بات کی تصدیق کردی

شیخ رشید احمد کی آڈیو لیک کے دوسرے کردار گل زمان نے بھی سابق وزیر داخلہ سے فون پر بات چیت کی تصدیق کردی۔

لاہور سے جاری بیان میں گل زمان نے کہا کہ صبح شیخ رشید نے فون پر جلیل شرقپوری کو ادائیگی کی بات کی تو انہیں روک دیا۔

انہوں نے مزید کہا کہ جلیل شرقپوری کو جانتا ہوں نہ ہی کبھی ملاقات ہوئی ہے، معلوم نہیں شیخ رشید کے ذہن میں کیا تھا کہ ایسا سوال کیا۔

گل زمان نے یہ بھی کہا کہ چوہدری پرویز الہٰی میرے 25 سال پرانے دوست ہیں، میرا شیخ رشید کی باتوں سے کوئی تعلق نہیں ہے۔

بشکریہ جنگ