کیرالہ:بارش، سیلاب، لینڈ سلائیڈنگ، 15 افراد ہلاک

بھارتی ریاست کیرالہ میں موسلا دھار بارش اور سیلاب سے کئی اضلاع بری طرح متاثر ہوئے ہیں جبکہ بارش، سیلاب اور لینڈ سلائیڈنگ سے مختلف حادثات میں 15 افراد جان سے گئے۔

کیرالہ کے ضلع کوٹائم میں مٹی کا تودہ گرنے سے ہلاکتوں کی تعداد 12 ہو گئی، ملبے تلے دبے 20 لاپتہ افراد کی تلاش کا کام جاری ہے۔

ماہرین کا کہناہے کہ موسمیاتی تبدیلی کی وجہ سے جون سے ستمبر تک مون سون بارشوں کی شدت میں اضافہ ہوا ہے۔

ادھر ضلع ادوکی میں بارش سے مختلف حادثات میں 3 افراد ہلاک ہوئے ہیں۔

بھارتی محکمۂ موسمیات کی جانب سےکیرالہ کے 5 اضلاع میں سخت موسم کا ریڈ الرٹ اور 7 اضلاع میں اورنج الرٹ جاری کیا گیا ہے۔

بھارتی محکمۂ موسمیات نے کیرالہ کے ساحلی علاقوں میں منگل تک تیز بارشوں کی پیش گوئی کی ہے۔

بھارتی محکمۂ موسمیات کی جانب سے ریاست اترکھنڈ میں بھی پیر کو شدید بارش کا ریڈ الرٹ جاری کیا گیا ہے۔

بشکریہ جنگ