کیا آپ جانتے ہیں کے مطاف کا ایک مخصوص حصہ ہر نماز سے قبل کیوں خالی کروایا جاتا ہے؟

آپ نے یقیناً مسجد الحرام اور صحن مطاف کی مختصر وقت کے دورانیے میں صفائی کے حوالے سے تو سن رکھا ہوگا، لیکن کیا آپ جانتے ہیں کہ صحن مطاف کا ایک مخصوص حصہ ایسا ہے جو اکثر و بیشتر اوقات نماز سے قبل خالی کروا لیا جاتا ہے۔

یقیناً آپ یہ نہیں جانتے ہوں گے کہ درج ذیل دی گئی تصویر میں دکھائی دینے والا حصہ، صحن مطاف کا وہی حصہ ہے جسے اکثر و بیشتر اوقات نماز سے قبل خالی کروالیا جاتا ہے، لیکن یہاں سوال پیدا ہوتا ہے کہ ایسا کیوں کیا جاتا ہے۔

آئیے ہم آپ کو بتاتے ہیں کہ صحن مطاف کے اس حصے کی ایسی کون سی خاصیت ہے جس کی وجہ سے اسے نماز سے قبل خالی کروایا جاتا ہے۔

مکۃ المکرمہ میں مسجد الحرام کے درمیان قائم بیت اللہ کی ایک جانب صحن مطاف کا ایک مخصوص حصہ امام کعبہ کے لئے خالی کروایا جاتا ہے۔

امام کعبہ چونکہ مکۃ المکرمہ میں، بیت اللہ میں کھڑے ہوکر نماز قائم کرتے ہیں اس لئے وہ صحن مطاف کے اس مخصوص حصے کے عقبی جانب ایک خاص مقام پر کھڑے ہوکر امامت کے فرائض انجام دیتے ہیں۔

چونکہ امام کعبہ نماز قائم کرتے وقت پیچھے کی جانب ہوتے ہیں اس لئے دیگر نمازیوں کی جماعت ان کے سامنے نماز نہیں پڑھ سکتی. 

اس لئے اس جگہ کو خالی کروا دیا جاتا ہے تاکہ امام کعبہ اپنے مقام پر کھڑے ہوکر براہ راست بیت اللہ کو دیکھ سکیں اور بغیر کسی خلل کے نماز کی امامت کے فرائض انجام دے سکیں۔

یہاں یہ واضح کردیں کہ کم و بیش کبھی کبھار امام کعبہ عین بیت اللہ کے دروازے پر کھڑے ہوکر ، قبلہ رخ ہوکے بھی نماز پڑھاتے ہیں۔

بشکریہ جنگ