جمعہ 5؍ذیقعد 1444ھ26؍مئی 2023ء

پی ٹی آئی کے مایوس کارکن کا ٹھکانہ جماعت اسلامی ہے، سراج الحق

امیر جماعت اسلامی پاکستان سراج الحق نے سویلین کے کیسز سول کورٹس میں چلائے جانے کا مطالبہ کردیا۔

اسلام آباد میں میڈیا سے گفتگو میں سراج الحق نے کہا کہ پاکستان تحریک انصاف (پی ٹی آئی) سے مایوس کارکنوں کا ٹھکانہ جماعت اسلامی ہے۔

انہوں نے کہا کہ حقیقی تبدیلی کےلیے پی ٹی آئی کے ورکر جماعت اسلامی کا حصہ بنیں، جو واحد کرپشن فری جماعت ہے۔

امیر جماعت اسلامی نے مزید کہا کہ اس وقت سب پارٹیاں ناکام ہوچکی ہیں،پی ٹی آئی اور پی ڈی ایم کی ملک کےلیے نہیں مفادات کی جنگ ہے۔

اُن کا کہنا تھا کہ حکومت میں عمران خان نےصرف لنگر خانے کھولے، کارخانے نہیں۔

سراج الحق نے یہ بھی کہا کہ پیپلز پارٹی، ن لیگ، پی ٹی آئی اگلے 100 سال بھی رہے حالات نہیں بدل سکتے۔

اُنہوں نے کہا کہ یہ سب پارٹیاں ایک دوسرے کا عکس ہیں، ان کے پاس کوئی وژن نہیں۔

بشکریہ جنگ
You might also like

Comments are closed.