کورونا کیسز میں تیزی، دلی میں بھی آج سے 30 اپریل تک رات کا کرفیو نافذ

مہاراشٹر اور راجستھان کے بعد بھارتی دارالحکومت نئی دلی میں بھی آج سے 30 اپریل تک رات کا کرفیو نافذ کردیا گیا۔

دلی حکومت نے اپنے احکامات میں کہا ہے کہ کورونا کیسز میں اچانک تیزی اور مثبت آنے کی شرح میں اضافے کے باعث رات کا کرفیو لگانے کی ضرورت پیش آئی ہے۔

دلی میں کرفیو رات 10 بجے سے صبح پانچ بجے تک ہوگا۔ دلی میں گزشتہ روز کورونا وائرس کے 3548 کیس رپورٹ ہوئے تھے۔

بشکریہ جنگ