کورونا ویکسین بچوں کو دینے پر غور ہو رہا ہے، سیکریٹری صحت ڈاکٹر نوشین

پارلیمانی سیکریٹری صحت ڈاکٹر نوشین کا کہنا ہے کہ دنیا بھر میں کورونا ویکسین کے ٹرائلز بچوں پر نہیں ہوئے، مستقبل میں کورونا ویکسین بچوں کو دینے پر غور ہو رہا ہے، لیکن حتمی فیصلہ نہیں ہوا ہے۔

جیو نیوز کے پروگرام جیو پاکستان میں گفتگو کرتے ہوئے ڈاکٹر نوشین حامد نے بتایا کہ حکومت نے پرائیویٹ سیکٹر کو ویکسین منگوانے کے لیے فیسی لیٹیٹ کیا ہے، پرائیویٹ سیکٹر محدود تعداد میں ہی ویکسین منگوا سکتا ہے۔

پارلیمانی سیکریٹری صحت نے کہا کہ کل مزید 5 لاکھ ویکسین کی ڈوزز آجائیں گی۔

ان کا مزید کہنا تھا کہ حکومت کا انحصار پرائیویٹ سیکٹر پر نہیں ہے۔

بشکریہ جنگ