بدھ14؍شوال المکرم 1442ھ26؍مئی 2021ء

کورونا وائرس کے باوجود بیرون ملک پاکستانیوں نے ترسیلات زر کا ریکارڈ قائم کیا: عمران خان

وزیراعظم عمران خان نے اوورسیز پاکستانیوں کا شکریہ ادا کرتے ہوئے کہا ہے کہ بیرون ملک پاکستانیوں کی پاکستان سے محبت اور وابستگی بے مثال ہے، کورونا وائرس کے باوجود بیرون ملک پاکستانیوں نے ترسیلات زر کا ریکارڈ قائم کیا۔

سوشل میڈیا پر جاری کیے گئے بیان میں وزیراعظم عمران خان نے کہا کہ اوورسیز پاکستانیوں نے لگا تار دسویں ماہ میں 2 ارب ڈالر بھیجے۔

عمران خان نے یہ بھی کہا کہ اوورسیز پاکستانیوں نے عالمی وبا کورونا وائرس کے باوجود 10 مہینوں میں 2 بلین ڈالربھیج کر ریکارڈ قائم کیا۔

اُنہوں نے کہا کہ اوورسیزپاکستانیوں کی ترسیلات زر مارچ میں بڑھ کر 2.7 ارب ڈالر ہوگئیں۔

وزیراعظم عمران خان نے سعودی ولی عہد کے بعد مائیکرو سافٹ کے بانی بل گیٹس کو بھی موسمیاتی تبدیلی کے حوالے سے خط لکھا ہے جس میں عمران خان نے موسمیاتی تبدیل کے خطرات پر کتاب لکھنے پر بل گیٹس کو خراجِ تحسین پیش کیا۔

وزیراعظم نے اپنے بیان میں یہ بھی کہا کہ اوورسیز کی ترسیلات زر گزشتہ سال کے مقابلے میں 43 فیصد زیادہ ہیں۔

عمران خان کا مزید کہنا تھا کہ رواں مالی سال میں اب تک آپ کی ترسیلات زر میں 26 فیصد کا اضافہ ہوا ہے۔

بشکریہ جنگ
You might also like

Comments are closed.