کورونا وائرس کی غلط معلومات دینے پر وینزویلا کے صدر کا فیس بُک پیج فریز

عالمی وبا کورونا وائرس کی غلط معلومات دینے پر سماجی رابطے کی ویب سائٹ فیس بُک کے عہدیداروں نے وینزویلا کے صدر نکولس مادورو کا پیج فریز کردیا۔

فس بُک عہدیدار کے مطابق صدر وینزویلا نکولس مادورو نے کورونا وائرس کے علاج کی غلط معلومات شیئر کی تھیں جس کے بعد 30 روز کے لیئے ان کا فیس بک پیج فریز کیا گیا ہے۔

وینزویلا کے صدر نکولس مادورو نے کسی دوا کو کورونا وائرس کے علاج کی دوا قرار دیا تھا جس پر ڈاکٹرز نے دعویٰ کیا کہ یہ کورونا وائرس کا علاج نہیں ہے۔

فس بُک عہدیدار نے کہا کہ ہماری پالیسی کی خلاف ورزی کرنے پر وینزویلا کے صدر نکولس مادورو کا پیج فریز کیا گیا ہے اور اب وہ 30 دن تک اپنے پیج پر کسی قسم کی کوئی معلومات شیئر نہیں کرسکیں گے۔

واضح رہے کہ وینزویلا میں کورونا وائرس کے کیسز کی تعداد ایک لاکھ 54 ہزار سے زائد ہوگئی ہے۔

بشکریہ جنگ