کراچی: 5 اکتوبر سے لاپتہ لڑکی تاحال غائب

کراچی کے علاقے لائنز ایریا سے 5 اکتوبر کو لاپتہ ہونے والی لڑکی کا تاحال پتہ نہیں چل سکا۔

پولیس کے مطابق 13 سال کی لڑکی گھر سے دکان تک گئی تھی مگر واپس نہیں آئی، والدین کے شک کی بنیاد پر 4 افراد کو حراست میں لے کر پوچھ گچھ کی ہے۔

کراچی کے علاقے لیاقت آباد کی رہائشی 2 بہنیں ایک ماہ سے لاپتہ ہیں، ایک ماہ گزر جانے کے باوجود پولیس دونوں بہنوں کو تلاش نہ کر سکی۔

پولیس کا کہنا ہے کہ حراست میں لیے گئے افراد لاپتہ لڑکی کے بارے میں کچھ نہیں جانتے، لاپتہ لڑکی کے پاس موبائل فون بھی موجود نہیں ہے۔

پولیس کا کہنا ہے کہ واقعے کا مقدمہ والد کی مدعیت میں بریگیڈ تھانے میں درج کیا گیا ہے۔

بشکریہ جنگ