کراچی: کس علاقے میں کتنی بارش ہوئی؟

کراچی میں مون سون کے پہلے اسپیل میں مختلف علاقوں میں ہونے والی بارش کا ریکارڈ سامنے آگیا جس سے پتہ چلتا ہے کہ گزشتہ روز کس علاقے میں کتنی بارش ہوئی۔

بلوچستان کے بیشتر علاقوں میں مطلع ابرآلود ہے او ر آئندہ 24 گھنٹوں کے دوران قلات، خضدار، بار کھان، کوہلو، سبی، زیارت، ژوب اور موسیٰ خیل سمیت جنوبی اور وسطی اضلاع میں موسلا دھار بارش کا امکان ہے، اس دوران ندی نالوں میں طغیانی کا بھی خدشہ ہے۔

محکمۂ موسمیات کے مطابق گلشنِ حدید میں سب سے زیادہ 12 ملی میٹر بارش ہوئی ہے۔

پی اے ایف مسرور بیس میں 2، جناح ٹرمینل میں 3 اعشاریہ 8 ملی میٹر بارش ریکارڈ کی گئی۔

محکمہ موسمیات کے ڈائریکٹر سردار سرفراز کا کہنا ہے کہ کراچی میں وقفے وقفے سے بارش کا امکان 16 جولائی تک ہے۔

محکمۂ موسمیات نے بتایا ہے کہ یونیورسٹی روڈ پر 2، پی اے ایف فیصل بیس پر 2.1 ملی میٹر بارش ریکارڈ کی گئی۔

محکمۂ موسمیات کے اعداد و شمار کے مطابق اولڈ ایئر پورٹ پر 1 اعشاریہ 2، جبکہ لانڈھی میں 9 ملی میٹر بارش ریکارڈ کی گئی ہے۔

بشکریہ جنگ