کراچی: ویکسین نہ لگوانے پر گرفتار 3 شہریوں کی رہائی کا حکم

جوڈیشل مجسٹریٹ جنوبی کراچی کی عدالت نے پولیس کو کورونا وائرس کی ویکسین نہ لگوانے پر گرفتار کیئے گئے 3 شہریوں کو رہا کرنے کا حکم دے دیا۔

جوڈیشل مجسٹریٹ جنوبی کراچی کی عدالت میں ٹیپو سلطان پولیس نے 3 گرفتار شہریوں کو عدالت میں پیش کیا۔

ایڈیشنل آئی جی کراچی یعقوب منہاس نے تھانیداروں کو کورونا وائرس کا ویکسینیشن کارڈ نہ ہونے پر شہریوں کیخلاف مقدمات کے اندراج سے روک دیا۔

جوڈیشل مجسٹریٹ طارق حسین نے تینوں شہریوں کو رہا کرنے کا حکم دے دیا۔

عدالت نے پولیس کو یہ حکم بھی دیا کہ شہریوں پر اس سلسلے میں درج کیئے گئے مقدمے کو بھی ختم کیا جائے۔

بشکریہ جنگ