کراچی میں آج شام گرج چمک کے ساتھ بارش کا امکان

کراچی میں آج شام یا رات سے گرج چمک کے ساتھ بارش کا امکان ہے، جس کے بعد موسم مزید ٹھنڈا ہوجائے گا۔

محکمہ موسمیات کے مطابق کراچی میں کہیں معتدل اور کہیں تیز بارش بھی ہوسکتی ہے، بارش کا سلسلہ وقفے وقفے سے 7 جنوری تک جاری رہنے کا امکان ہے۔

دوسری جانب لاہور اور قصور سمیت گردونواح میں ہلکی بارش ہوئی جس سے موسم سرد ہوگیا۔

محکمہ موسمیات کے مطابق آزاد کشمیر کے مختلف علاقوں میں بھی بارش ہوئی۔

بشکریہ جنگ