کراچی: لانڈھی میں مشتعل شخص کے ہاتھوں بیوی اور ساس کا قتل
کراچی کے علاقے لانڈھی شیر پاؤ کالونی کے علاقے میں واقع گھر میں ایک شخص نے مشتعل ہو کر فائرنگ کر کے اپنی بیوی اور ساس کو قتل کر دیا۔
ایس ایس پی ملیر عرفان بہادر کے مطابق اسحاق نامی شخص نے ذاتی رنجش کے باعث فائرنگ کر کے بیوی اور ساس کو قتل کیا اور موقع سے فرار ہو گیا۔
واقعے کے فوری بعد پولیس جائے وقوع پر پہنچ گئی جس نے شواہد جمع اور گواہوں کے بیانات قلم بند کیئے۔
مقتول خواتین کی لاشوں کو ضابطے کی کارروائی اور پوسٹ مارٹم کے لیے اسپتال منتقل کر دیا گیا ہے۔
پولیس کی جانب سے قتل کے واقعے کے محرکات کے حوالے سے تحقیقات جاری ہیں جبکہ فرار ملزم کی گرفتاری کیلئے چھاپے مارے جا رہے ہیں۔
بشکریہ جنگ
Comments are closed.