کراچی ایکسپریس کی 2 بوگیاں پٹری سے اتر گئیں

کراچی پہنچنے والی کراچی ایکسپریس ٹرین کی دو بوگیاں واشنگ لائن میں پٹری سے اتر گئی ہیں جس کے نتیجے میں واشنگ لائن سے ٹرینوں کی آمدورفت معطل ہوگئی ہے۔

ریلوے حکام کے مطابق 16 ڈاؤن کراچی ایکسپریس آج دوپہر دو بجے کراچی پہنچی تھیں۔ جسے روانگی کے لیے تیار کرنے کے لیے واشنگ لائن منتقل کیا جارہا تھا کہ انجن سے تیسری اور چوتھی دو بوگیاں پٹری سے اتر گئیں۔

ریلوے پولیس کے مطابق ملزم اعجاز خود کو ریلوے ملازم ظاہر کر رہا تھا، ریلوے پولیس اہلکاروں نے اسے ٹریک کے نٹ بولڈ چوری کرتے رنگے ہاتھوں پکڑ لیا۔

16 ڈاؤن کراچی ایکسپریس کے اس حادثے کی وجہ سے کراچی کینٹ اسٹیشن کے پلیٹ فارم نمبر 2.3.4 بلاک ہوگئے۔

اس حادثے کی وجہ سے پہلے سے تاخیر کی شکار ریل گاڑیاں مزید تاخیر کا شکار ہوگئی ہیں۔

ان بوگیوں کی ڈی ریلنگ کی وجہ سے کوئی جانی نقصان نہیں ہوا۔

ریلوے حکام کے مطابق کراچی ایکسپریس کی بوگی نمبر 8071 اور 8087 کو پٹڑی سے اٹھایا جا رہا ہے۔

بشکریہ جنگ