بدھ14؍شوال المکرم 1442ھ26؍مئی 2021ء

کراچی ایٹ فیسٹول، پہلے روز ہی ایس او پی کی خلاف ورزی پر 3 اسٹال سیل

کراچی ایٹ فیسٹول کے پہلے روز ایس او پیز کی خلاف ورزی پر تین اسٹالز سیل کر دیے گئے۔

اسسٹنٹ کمشنر سول لائن نے تینوں اسٹالز کو سیل کردیا۔ انتظامیہ کے مطابق شہریوں نے اسٹالز پر ماسک نہیں پہنا ہوا تھا۔

واضح رہے کہ ملک کے سب سے بڑے شہر کراچی میں کورونا وائرس بے لگام ہو گیا لیکن شہر بھر میں ایس او پیز کا کہیں نام و نشان نہیں ہے۔

کراچی کے شہری ماسک سے لاپرواہ نظر آ رہے ہیں، وہیں حکومت کو بھی کوئی پرواہ نہیں ہے۔

وزیرِ اعلیٰ سندھ مراد علی شاہ کا اس صورتِ حال کے حوالے سے کہنا تھا کہ لاک ڈاؤن یا پابندیاں لگانے کا کوئی ارادہ نہیں، ملکی معیشت اس قابل نہیں ہے کہ پابندیاں لگائیں۔

انہوں نے یہ بھی کہا کہ اسپتالوں میں ابھی تک مریض بڑھنا شروع نہیں ہوئے، اس لیے کوئی پابندیاں نہیں لگا رہے۔

واضح رہے کہ شہرِ قائد میں کورونا کیسز کی شرح 28 اعشاریہ 8 فیصد ریکارڈ کی گئی۔

گزشتہ 24 گھنٹوں کے دوران کراچی میں کورونا کی تشخیص کے لیے 7 ہزار 226 ٹیسٹ کیے گئے جبکہ 2 ہزار81 نئے کیسز رپورٹ ہوئے ہیں۔

کراچی کے علاوہ لاہور اور پشاور میں گزشتہ 24 گھنٹوں کے دوران کورونا کیسز کی شرح بالترتیب 9 اعشاریہ 63 فیصد اور 4 اعشاریہ 6 فیصد ریکارڈ کی گئی۔

پاکستان بھر میں اب تک 28 ہزار 999 کورونا وائرس کے مریض انتقال کر چکے ہیں جبکہ اس موذی وائرس کے کُل مریضوں کی تعداد 13 لاکھ 15 ہزار 834 ہو چکی ہے۔

بشکریہ جنگ
You might also like

Comments are closed.