بدھ14؍شوال المکرم 1442ھ26؍مئی 2021ء

کراچی ایئرپورٹ پر ماسک نہ پہننے والے 26 افراد پر جرمانے

کراچی ایئرپورٹ پر کورونا ایس او پیز پر عمل درآمد کرانے کے لیے سی اے اے کی ٹاسک فورس کی جانب سے سخت کارروائی کی گئی، ماسک نہ پہننے پر 26 افراد پر جرمانے عائد کردیے گئے۔

کراچی ایئرپورٹ منیجر محمد عمران خان کی سربراہی میں کورونا ٹاسک فورس نے جناح انٹرنیشنل ایئرپورٹ پر سخت کارروائی کی ۔

کراچی ایئرپورٹ پر بغیر ماسک کے آنے والے 26 افراد کو کورونا ایس او پی کی خلاف ورزی پر 500 روپے کے حساب سے جرمانہ عائد کیا گیا، مجموعی طور 26 افراد پر 13 ہزار روپے کا جرمانہ عائد کیا گیا۔

اس موقع پر کراچی ایئر پورٹ پر کام کرنے والی مختلف کمپنیز کے ملازمین سے خلاف ورزی پر کارڈز بھی ضبط کرلیے گئے اور بغیر ماسک کے آنے والے مسافروں اور ملازمین کو ایئرپورٹ داخلے پر پابندی عائد کردی گئی۔

بشکریہ جنگ
You might also like

Comments are closed.