کالعدم تنظیم کے دھرنے کا معاملہ جلد حل ہونا چاہیئے: عبدالرزاق داؤد

وزیرِ اعظم عمران خان کے مشیر برائے امورِ تجارت عبدالرزاق داؤد کا کہنا ہے کہ جی ٹی روڈ پر کالعدم تنظیم کے دھرنے کا معاملہ جلد حل ہونا چاہیئے۔

یہ بات وزیرِ اعظم عمران خان کے مشیر برائے امورِ تجارت عبدالرزاق داؤد نے میڈیا سے گفتگو کرتے ہوئے کہی ہے۔

وزیرِ اعظم عمران خان سے ملاقات کے لیے علماء کا وفد بنی گالا پہنچ گیا جہاں علمائے کرام کی وزیرِ اعظم عمران خان سے ملاقات ہوئی ہے۔

ان کا کہنا ہے کہ احتجاج اور دھرنوں سے ملکی معیشت پر اچھے اثرات مرتب نہیں ہوتے۔

عبدالرزاق داؤد نے بتایا کہ پاکستان میں پٹرولیم مصنوعات خطے کے دیگر ممالک سے سستی ہیں۔

انہوں نے کہا ہے کہ فیصل آباد میں ٹیکسٹائل ملز کو مزدور نہیں مل رہے، فیصل آباد گیا تھا تو وہاں لیبر کی کمی تھی۔

لاہور سے اسلام آباد جانے والے کالعدم تنظیم کے مارچ نے وزیر آباد میں پڑاؤ ڈال رکھا ہے، جنہیں دریائے چناب پر روکنے کے لیے رکاوٹیں کھڑی کر دی گئی ہیں، اطراف میں خندقیں کھود دی گئیں۔

وزیرِ اعظم عمران خان کے مشیر برائے امورِ تجارت کا مزید کہنا ہے کہ آئی ایم ایف نے محصولات میں اضافے پر زور دیا ہے۔

ان کا یہ بھی کہنا ہے کہ درآمدی خام مال پر ریگولیٹری ڈیوٹی آئی ایم ایف کے کہنے پر نہیں لگائی۔

بشکریہ جنگ