کابل: سعودی عرب جانے کے خواہشمند 4 ہزار سے زائد پاکستانی افغانستان میں پھنس گئے

سعودی عرب جانے کے خواہشمند 4 ہزار سے زائد پاکستانی افغانستان میں پھنس گئے، پاکستانی شہری افغانستان سے پروازوں کے ذریعے سعودی عرب جانا چاہتے تھے۔

ذرائع کا کہنا ہے کہ سعودی عرب نے کورونا کے باعث پاکستان سے پروازوں پر پابندی لگارکھی ہے۔

بین الاقوامی میڈیا کےمطابق طالبان نے صرف جون کے مہینے میں 715 امریکی گاڑیاں تحویل میں لیں۔

ذرائع کا کہنا ہے کہ سعودی عرب نے افغانستان سے بھی پروازوں پر پابندی عائد کردی ہے،  پابندی کے باعث کابل سے سعودی عرب جانے والے پاکستانی مسافر مشکلات کا شکار ہیں۔

ذرائع کا کہنا ہے کہ کابل میں پاکستانی سفیر منصور احمد نے پاکستانیوں کے معاملے پر افغان حکام سے رابطے شروع کردیے۔

بشکریہ جنگ