بدھ14؍شوال المکرم 1442ھ26؍مئی 2021ء

ڈسکہ میں غنڈہ گردی کے باوجود پی ایم ایل این کو شکست ہوئی، شوکت یوسفزئی

وزیر محنت و ثقافت خیبرپختونخوا شوکت یوسفزئی کا کہنا ہے کہ ڈسکہ میں تمام تر غنڈہ گردی کے باوجود پی ایم ایل این کو شکست ہوئی۔

وزیر محنت و ثقافت خیبرپختونخوا شوکت یوسفزئی نے ضمنی انتخابات سے متعلق اپنے ویڈیو بیان میں کہا کہ سب کو پتہ ہے نوشہرہ کی نشست پر شکست پی ٹی آئی کے اندرونی اختلافات کا نتیجہ ہے۔

انہوں نے کہا کہ ضمنی انتخابات میں قومی اسمبلی کی دونوں نشستیں جیتنا پی ٹی آئی کی بہت بڑی کامیابی ہے، پی ٹی آئی کا مقابلہ کسی ایک جماعت سے نہیں، گیارہ جماعتوں سے رہا۔

شوکت یوسفزئی نے کہا کہ سینیٹ انتخابات کے ویڈیو اسکینڈل کی انکوائری ہونی چاہیے، جنہوں نے پیسے دیئے ان کے خلاف بھی انکوائری ہونی چاہیے۔

شوکت یوسفزئی نے کہا کہ گیارہ جماعتیں مل کر بھی پی ٹی آئی کو کامیابی سے نہیں روک سکیں، ضلع کرم میں جے یو آئی کو شکست دے کر نشست پی ٹی آئی نے جیتی۔

اُن کا کہنا ہے کہ کرم کی نشست ہارنے پر مولانا فضل الرحمان کو پی ڈی ایم کی سربراہی سے استعفیٰ دینا چاہیے، قومی اسمبلی کی نشستوں پر شکست کے بعد اپوزیشن کے احتجاج کا کوئی جواز نہیں رہتا۔

شوکت یوسفزئی نے مزید کہا کہ الیکشن کمیشن ضمنی انتخاب میں غنڈہ گردی کرنے والوں کے خلاف سخت کارروائی کرے۔ 

بشکریہ جنگ
You might also like

Comments are closed.