ڈسکہ، الیکشن کمیشن نے نون لیگ کو ریلی نکالنے سے روک دیا

این اے 75 ڈسکہ میں الیکشن کمیشن نے مسلم لیگ نون کو ریلی نکالنے سے روک دیا، حلقےمیں 10اپریل کو ری پولنگ ہوگی جس کیلئے تیاریاں جاری ہیں۔

الیکشن کمیشن کی جانب سے ڈی پی او سیالکوٹ کو خط لکھا گیا ہے جس کت متن میں کہا گیا ہے کہ ضابطہ اخلاق کے مطابق ریلی کی اجازت نہیں ہے۔

حلقے میں نون لیگ یوتھ ونگ نے آج4 بجے موٹر سائیکل ریلی نکالنے کا اعلان کر رکھا ہے۔

چیف الیکشن کمشنر سکندر سلطان راجہ نے قومی اسمبلی کے حلقے این اے 75 ڈسکہ میں دوبارہ الیکشن کرانے کے حوالے سے سپریم کورٹ کا فیصلہ آنے کے بعد سیکریٹری الیکشن کمیشن کو فوری لاہور پہنچنے کی ہدایت کی ہے۔

واضح رہے کہ سپریم کورٹ نے قومی اسمبلی کے حلقہ این اے 75 ڈسکہ میں دوبارہ انتخابات سے متعلق کیس کا فیصلہ سناتے ہوئے پی ٹی آئی کی اپیل مسترد کر دی جبکہ الیکشن کمیشن کا اس حلقے میں دوبارہ الیکشن کرانے کا حکم برقرار رکھا۔

بشکریہ جنگ