چیئرپرسن قومی اسمبلی انسانی حقوق کمیٹی نے ایف نائن پارک میں لڑکی سے زیادتی کا نوٹس لے لیا

چیئرپرسن قومی اسمبلی انسانی حقوق کمیٹی نے ایف نائن پارک میں مبینہ زیادتی کے واقعے کا نوٹس لے لیا۔

ڈاکٹر مہرین رزاق بھٹو نے کہا کہ ‏واقعے کی رپورٹ قومی اسمبلی کی انسانی حقوق کمیٹی کو جمع کرائی جائے۔

پولیس کے مطابق جمعرات کی رات پارک میں دو مسلح ملزمان نے خاتون کو گن پوائنٹ پر زیادتی کا نشانہ بنایا۔

ان کا کہنا تھا کہ انسانی حقوق کمیٹی معاملے کی تفتیش کو خود دیکھے گی، متاثرہ لڑکی کو انصاف ملنے تک ہم چین سے نہیں بیٹھیں گے۔

انہوں نے کہا کہ ایسے درندوں کو کسی صورت معاف نہیں کیا جاسکتا، پولیس تمام وسائل بروئے کار لاتے ہوئے مجرموں کو گرفتار کرے۔

بشکریہ جنگ