چوہدری پرویز الہٰی اور علامہ طاہر اشرفی کی ملاقات

اسپیکر پنجاب اسمبلی چوہدری پرویز الہٰی سے وزیراعظم عمران خان کے معاون خصوصی علامہ طاہر اشرفی نے ملاقات کی ہے۔

دوران گفتگو پرویز الہٰی نے طاہر اشرفی پر واضح کیا کہ نصاب پر اقلیتی کمیشن کی سفارشات ٹھیک نہیں ہیں۔

انہوں نے مزید کہا کہ نصاب تعلیم سے اسلامی تعلیمات اور تاریخ نکالنے کی اقلیتی کمیشن کی سفارشات نہایت نامناسب ہیں۔

علامہ طاہر اشرفی نے کہا کہ اقلیتوں کے حقوق کی حفاظت اسلام، آئین اور ریاست پاکستان کی ذمے داری ہے۔

اُن کا کہنا تھا کہ ملک کی اکثریت کے حقوق کا خیال رکھنا بھی ضروری ہے۔

بشکریہ جنگ