جمعیت علمائے اسلام ف کے رہنما اکرم درانی کا کہنا ہے کہ جو بھی پی ڈی ایم سے نکلے گا وہ عوام کی ترجمانی نہیں کرے گا، نکلنے والے آئندہ الیکشن میں اپنا نقصان کریں گے۔
جیو نیوز کے پروگرام جیو پاکستان میں گفتگو کرتے ہوئے جمعیت علمائے اسلام ف کے رہنما اکرم درانی نے کہا کہ پیپلز پارٹی جلد سی ای سی کا اجلاس بلا کر ہمیں فیصلے سے آگاہ کر دے۔
اکرم درانی کا کہنا ہے کہ پی ڈی ایم کے فیصلے مشاورت سے ہوئے ہیں، ضمنی انتخاب پر تمام جماعتیں متفق تھیں۔
انہوں نے کہا کہ ضمنی الیکشن ہم نے جیت لئے، عوام ہمارے ساتھ ہیں، سینیٹ کا الیکشن گیلانی نے جیت لیا، عوام کی اکثریت حکومت کے ساتھ نہیں ہے۔
اکرم درانی نے مزید کہا کہ عوام کا مطالبہ ہے کہ حکومت سے نجات دلائی جائے۔
ان کا کہنا تھا کہ مسلم لیگ نون اور پیپلز پارٹی والے بھی کہتے ہیں ہم تین بڑی جماعتیں ہیں۔
Comments are closed.