پی ٹی آئی کے ارکان آج قومی اسمبلی اجلاس میں شریک ہوں گے

پاکستان تحریک انصاف (پی ٹی آئی) کے مستعفی ارکان عدالتی فیصلے کی روشنی میں آج قومی اسمبلی اجلاس میں شریک ہوں گے۔

پی ٹی آئی کے رکن قومی اسمبلی آفتاب صدیقی نے کہا ہے کہ آج ہم اسمبلی اجلاس میں شریک ہوں گے۔

انہوں نے کہا کہ اجلاس میں شرکت کے لیے پی ٹی آئی ارکان اسلام آباد پہنچ گئے۔

پی ٹی آئی ارکان کا مؤقف ہے کہ عدالت نے ہمارے استعفے کالعدم کرتے ہوئے واپس اسمبلی بھیجا ہے۔

ذرائع کے مطابق پی ٹی آئی ممبران اسمبلی اسپیکر راجہ پرویز اشرف سے بھی ملاقات کریں گے۔

سندھ ہائی کورٹ کے حکم پر بحال 9 ممبران اسمبلی اجلاس میں شریک ہوں گے۔

آفتاب صدیقی، عالمگیر خان، عطاء اللّٰہ، فہیم خان جالب، سیف الرحمٰن اور اسلم خان بحال ہونے والےارکان میں شامل ہیں۔

بشکریہ جنگ