پی ایف یو جے کی صحافیوں پر تشدد اور جیو نیوز کے دفتر پر حملے کی مذمت

پاکستان فیڈرل یونین آف جرنلسٹس نے پی ٹی آئی کے مارچ کے دوران صحافیوں پر تشدد اور جیونیوز کے دفتر پر حملے کی مذمت کی ہے۔

ایک بیان میں پی ایف یو جے نے کہا کہ کراچی اور دیگر شہروں میں صحافیوں، کیمرامینوں اور فوٹوگرافرز پر تشدد کیا گیا جبکہ اسلام آباد میں جیو نیوز کے دفتر پر پتھراؤ کیا گیا۔

تنظیم نے عمران خان سے مطالبہ کیا کہ صحافیوں اور جیو نیوز پر حملہ کرنے والوں کے خلاف سخت ایکشن لیا جائے۔

ایسوسی ایشن آف الیکٹرانک میڈیا ایڈیٹرز اینڈ نیوز ڈائریکٹرز نے رپورٹرز، کیمرامینوں اور فوٹو گرافروں سے مار پیٹ اور کام میں رکاوٹ ڈالنے کی مذمت کی ہے۔

پی ایف یو جے نے حکومت سے سی سی ٹی وی وڈیو کی مدد سے ملزمان کی شناخت کرکے ان کے خلاف سخت کارروائی کا مطالبہ کیا ہے۔

بشکریہ جنگ