احسن اقبال کی پی ٹی آئی سے مذاکرات کی تصدیق

وفاقی وزیر احسن اقبال نے پی ٹی آئی سے مذاکرات کی تصدیق کردی ہے۔

جیو نیوز کے پروگرام آج شاہ زیب خانزادہ کے ساتھ میں بات چیت کرتے ہوئے انہوں نے کہا کہ پی ٹی آئی کی قیادت سے ایک ملاقات ہوئی تھی۔

انہوں نے کہا کہ اگر ہمارے سر پر بندوق نہ رکھی جاتی تو شاید جلد الیکشن کا مطالبہ تسلیم کرلیتے۔

احسن اقبال کا کہنا تھا کہ پی ٹی آئی سے الیکشن ریفارمز پر مذاکرات کیلئے تیار ہیں۔

فیصل واوڈا نے کہا کہ امپورٹڈ نے معاشی تباہی پھیر دی، اس ظلم و بربریت کا قوم کو کون حساب دے گا۔

دوسری جانب اسلام آباد میں میڈیا سے گفتگو کرتے ہوئے وفاقی وزیر اطلاعات مریم اورنگزیب کا کہنا تھا کہ عمران خان اپنے ورکرز کو سڑکوں پر چھوڑ کر بنی گالا سونے چلے گئے۔

وفاقی وزیر اطلاعات کا کہنا تھا کہ عمران خان کا لانگ مارچ بری طرح ناکام ہوا۔

بشکریہ جنگ