پنجاب یونیورسٹی کے ڈپٹی ڈائریکٹر اسپورٹس کیخلاف ہراسانی کا مقدمہ

لاہور میں پنجاب یونیورسٹی کی ڈائریکٹر اسپورٹس نے اپنے ہی دفتر کے ڈپٹی ڈائریکٹر کے خلاف ہراساں کرنے کا مقدمہ درج کروادیا، واقعے کی فوٹیج بھی منظر عام پر آگئی۔

پنجاب یونیورسٹی کی ڈائریکٹر اسپورٹس نے ڈپٹی ڈائریکٹر اسپورٹس کے خلاف ہراسگی کا مقدمہ درج کروادیا۔

فوٹیج میں دیکھا جاسکتا ہے کہ ڈائریکٹر اسپورٹس اپنے دفتر میں بیٹھی ہیں ڈپٹی ڈائریکٹر اسپورٹس زبیر بٹ بھی انہی کے کمرے میں سامنے بیٹھے ہیں اور تلخ کلامی جاری ہے۔

پولیس کے مطابق طاہرہ سلیم نے ڈپٹی ڈائریکٹر کےخلاف ایف آئی آر میں الزام لگایا ہے کہ زبیر بٹ نے انہیں ان کے دفتر میں ہراساں کیا اور دھمکیاں دیں۔

پولیس کا کہنا ہے کہ ملزم نے عبوری ضمانت کروا رکھی ہے۔

بشکریہ جنگ