پنجاب کا وفاق کی جانب سے گندم امپورٹ کرنیکی اجازت نہ دینے پر اظہار تشویش

پنجاب حکومت نے وفاق کی طرف سے پنجاب کو گندم امپورٹ کرنے کی اجازت نہ دینے پر تشویش کا اظہار کیا ہے۔

وزیرِ اعلیٰ پنجاب کی زیر صدارت اجلاس ہوا، جس میں گندم کےموجودہ اسٹاک اوردیگرامورکاجائزہ لیا گیا۔

اجلاس میں یوریا، فاسفیٹ، گندم کے بیج اور درآمدی گندم پر سبسڈی کے بارےمیں تبادلہ خیال کیا گیا۔

اس موقع پر چوہدری پرویز الہٰی نے کہا کہ پنجاب نےخود ادائیگی کر کے 10 لاکھ میٹرک ٹن گندم امپورٹ کرنے کی اجازت مانگی تھی، سندھ اور دیگر صوبوں کو وفاق کی طرف سے امپورٹ کردہ گندم فراہم کی جا چکی ہے۔

انہوں نے کہا کہ وفاق پہلے بھی گندم امپورٹ کر چکا ہے لیکن پنجاب کو شیئر نہیں دیا، پنجاب سے اسلام آباد کو بدستور 16 ہزار میٹرک ٹن گندم فراہم کی جا رہی ہے۔

وزیرِ اعلیٰ پرویز الہٰی کا کہنا ہے کہ پنجاب نے آئینی اور قانونی طریقہ کار کے مطابق گندم امپورٹ کی اجازت طلب کی، وفاق کا پنجاب کے عوام کے بارے میں رویہ افسوسناک ہی نہیں، قابل مذمت بھی ہے۔

بشکریہ جنگ