پنجاب میں شدید گرمی، آج سے اسکولوں کی چھٹی 11 بجے ہوگی

محکمہ تعلیم پنجاب نے شدید گرمی کے پیش نظر صوبے کے اسکولوں میں اوقات کار آج سے کم کرنے کی ہدایت جاری کردی۔

رپورٹس کے مطابق اسکولوں کی چھٹی آج سے 11 بجے ہوگی۔

سندھ اور پنجاب میں بجلی کی لوڈشیڈنگ میں میٹرک کے طلبہ کا دہرا امتحان رہا، حیدرآباد، لاڑکانہ، میرپور خاص، سکھر، نوابشاہ، عمرکوٹ، تھر پارکر سمیت کئی اضلاع کے امتحانی مراکز میں بجلی نہ ہونے سے طلبہ کی حالت غیر ہوگئی۔

واضح رہے کہ پنجاب کے تمام سرکاری اور نجی اسکولوں میں گرمیوں کی چھٹیوں کا اعلان بھی کردیا گیا ہے۔ نوٹیفکیشن کے مطابق پنجاب بھر کے تمام اسکول گرمیوں کی چھٹیوں کے باعث یکم جون سے 31 جولائی تک بند رہیں گے۔

بشکریہ جنگ