پنجاب میں اسپیکر کے اختیارات محدود کرنے کا فیصلہ

محکمہ قانون پنجاب نے اسپیکر کے اختیارات محدود کرنے کا فیصلہ کیا ہے۔

ذرائع کا کہنا ہےکہ اسپیکر کے اختیارات محدود کرنے کا فیصلہ اسپیکر پنجاب اسمبلی کے رویے کے باعث کیا گیا ہے۔

ذرائع کے مطابق اختیارات محدود کرنے کے لیے محکمہ قانون نے سمری تیار کرلی ہے۔

ذرائع نے یہ بھی بتایا کہ اسمبلی کے رولز آف بزنس میں آرڈینس کے ذریعے ترامیم کی جائیں گی۔

ق لیگ اور پی ٹی آئی نے اراکین کو ایوانِ اقبال میں ہونے والے پنجاب اسمبلی کے بجٹ اجلاس میں جانے سے روک دیا۔

واضح رہے کہ پنجاب اسمبلی میں بجٹ پیش کرنے کے معاملے پر بحران جاری ہے، دو روز ہو گئے، اسمبلی میں صوبائی بجٹ پیش نہ کیا جاسکا۔

اسپیکر پرویز الٰہی اور اپوزیشن ارکان اپنے مطالبے پر قائم اور حکومت اپنے مؤقف پر ڈٹی ہوئی ہے۔

بشکریہ جنگ