پنجاب: رواں سال ڈینگی کے 14 ہزار 815 کیسز رپورٹ

پنجاب میں گزشتہ 24 گھنٹوں میں ڈینگی کے 52 کیسز رپورٹ ہونے کے بعد رواں سال 36 اضلاع میں ڈینگی کے کیسز کی تعداد 14ہزار 815 ہو گئی ہے۔

سیکریٹری صحت پنجاب علی جان خان کا کہنا ہے کہ رواں سال لاہور میں ڈینگی کے 6 ہزار 814 کیسز رپورٹ ہوئے ہیں۔

علی جان خان  نے بتایا کہ لاہور میں گزشتہ روز 32، گوجرانوالا اور ملتان میں 4، 4 ڈینگی کیس سامنے آئے۔

سیکریٹری صحت نے کہا کہ فیصل آباد میں 6، اوکاڑہ میں 2 جبکہ سیالکوٹ، بہاولپور، گجرات اور بہاولنگر میں ڈینگی کا ایک، ایک کیس رپورٹ ہوا ہے۔

ان کا یہ بھی بتانا ہے کہ پنجاب کے اسپتالوں میں ڈینگی کے کُل 44 مریض زیرِ علاج ہیں۔

بشکریہ جنگ