سائفر کیس کی سماعت کیلئے جج اڈیالہ جیل پہنچ گئے

سائفر کیس کی سماعت کے لیے آفیشل سیکرٹ ایکٹ خصوصی عدالت کے جج ابوالحسنات ذوالقرنین اڈیالہ جیل پہنچ گئے۔

سائفر کیس کی سماعت کچھ دیر بعد اڈیالہ جیل میں ہو گی۔

ایف آئی اے کے اسپیشل پراسیکیوٹر ذوالفقار عباس نقوی، بانی چیئرمین پی ٹی آئی اور شاہ محمود قریشی کے وکلاء اور اہلِ خانہ بھی اڈیالہ جیل پہنچ گئے ہیں۔

واضح رہے کہ 4 دسمبر کو ہونے والی سماعت میں سائفر کیس میں سابق چیئرمین پی ٹی آئی اور شاہ محمود قریشی پر فردِ جرم عائد کرنے کے لیے آج کی تاریخ مقرر کی گئی تھی۔

سابق چیئرمین پی ٹی آئی اور شاہ محمود قریشی کو کیس کی نقول فراہم کر دی گئی ہیں۔

بشکریہ جنگ