پنجاب اسمبلی اجلاس: ڈپٹی اسپیکر کے مراسلے کے بعد سیکیورٹی پلان مرتب

پنجاب اسمبلی میں وزیر اعلیٰ کے انتخاب کے سلسلے میں جمعہ کو ہونے والے اجلاس کی سیکیورٹی سے متعلق ڈپٹی اسپیکر کے مراسلے پر سیکیورٹی پلان مرتب کرلیا گیا۔ 

ڈپٹی اسپیکر دوست مزاری نے چیف سیکریٹری اور انسپکٹر جنرل (آئی جی) پولیس کو مراسلہ لکھا جس میں انہوں نے سیکیورٹی فراہم کرنے کا مطالبہ کیا۔ 

رہنما ق لیگ نے کہا کہ تمام اراکین اکٹھے رہیں اس سے طاقت ملتی ہے۔

اس مراسلے کے متن میں کہا گیا کہ پنجاب اسمبلی کی حدود اور ایوان میں بھی پولیس تعینات کی جائے، مجھے 22 جولائی کو وزیر اعلیٰ کے انتخاب کا سکینڈ پول کروانا ہے۔

اس میں یہ بھی کہا گیا کہ تمام سیکیورٹی انتظامات یقنی بنائے جائیں تاکہ سپریم کورٹ کے حکم کے مطابق وزیر اعلیٰ کا انتخاب کرواسکوں۔

ڈپٹی اسپیکر کے مراسلے کے بعد پولیس نے سیکیورٹی پلان مرتب کرلیا۔ 

پنجاب پولیس کے مطابق سیکیورٹی کے لیے پنجاب اسمبلی کے اندر اور باہر 1400 سے زائد اہلکار تعینات ہوں گے۔

حکام کا کہنا تھا کہ مراسلہ جاری ہونے کے بعد اسمبلی اجلاس کے لیے سیکیورٹی تعینات کی جائے گی۔

انہوں نے بتایا کہ اجلاس میں اہلکاروں کی تعیناتی کا مقصد وزیر اعلیٰ کے انتخاب کو پُرامن بنانا ہے۔

پولیس کے مطابق الیکشن کو پُرامن بنانے اور ممبران کے تحفظ کے لیے اہلکاروں کو تعینات کیا جارہا ہے۔

بشکریہ جنگ