پشاور دھماکہ، 27 شہداء کی نماز جنازہ ادا کردی گئی

پشاور میں پولیس لائنز کی مسجد میں ہونے والے خود کش دھماکے کے 27 شہداء کی نماز جنازہ ادا کردی گئی۔

نمازِ جنازہ میں کور کمانڈر پشاور، آئی جی پولیس اور کمانڈنٹ ایف سی سمیت شہیدوں کے لواحقین اور شہریوں نے بڑی تعداد میں شرکت کی۔

نماز جنازہ ادا کرنے کے بعد پولیس کے دستے نے شہداء کو سلامی بھی پیش کی۔ 

خود کش دھماکے سے پولیس لائن کی مسجد کی 2 منزلہ عمارت گر گئی، دھماکے میں امامِ مسجد صاحبزادہ نورالامین بھی شہید ہو گئے۔

رپورٹس کے مطابق دھماکے میں شہید 8 پولیس اہلکاروں کا تعلق چارسدہ سے تھا، ڈی ایس پی، ایف آر پی عرب نواز بھی شہداء کی فہرست میں شامل ہیں۔

واضح رہے کہ پولیس لائنز میں واقع مسجد میں خودکش دھماکے کے نتیجے میں 59 افراد شہید اور 140 زخمی ہوئے ہیں، زخمیوں میں متعدد کی حالت تشویشناک ہے۔

بشکریہ جنگ